Vænta munandi minni hall í ár

Hallið í landskassanum í ár verður munandi minni enn væntað.

Tað segði Jørgen Niclasen, landsstýrismaður í fíggjarmálum, í Breddanum í útvarpinum í gjár.

Í apríl metti Fíggjarmálaráðið, at hallið í ár kundi verða millum 800 milliónir og 1,5 milliardir krónur, sum avleiðing av koronu. Fíggjarmálaráðið metti eisini, at hallið næsta ár kundi verða 500 milliónir kr.

Nú sær fíggjarliga framtíðin bjartari út, segði Jørgen Niclasen í Breddanum.

Nýggjastu metingarnar vísa, at hallið í ár verður frá 800 milliónum krónum og niðureftir, segði landsstýrismaðurin í fíggjarmálum