Atlantic fær nýtt flogfar í kvøld

Í kvøld kemur nýggja flogfarið hjá Atlantic Airways, sum felagið hevur langtíðarleigað.

Flogfarið er nýtt, og sama slag sum Airbus 320 neo-flogfarið, sum Atlantsflog hevur frammanundan. Tað er smíðað í Fraklandi.

Flogfarið kemur í flotan, hóast Atlantic Airways er sera meint rakt av koronukreppuni, men tey í leiðsluni hava ikki mist mótið, tí nú gongur framá aftur.

Flogfarið skal flúgva á Danmarkar- og Íslandsleiðini, sum enn eru einastu lond, sum flogið verður til, sigur Jóhanna á Bergi, stjóri í Atlantic Airways:

Tá flogfarið er komið í Vágar í kvøld, fær tað navn.

Hini flogførini hjá felagnum hava navn eftir kendum listafólkum, og tað fær nýggja flogfarið eisini. Navnið verður avdúkað á facebook, upplýsir Jóhanna Bergi, stjóri.

Meiri verður at frætta í útvarpstíðindunum.