Korona: Vóru ikki nóg væl fyrireikað

Danir vóru ikki nóg væl fyrireikaðir, tá koronusmittan tók seg upp í landinum.

Tað segði danski forsætisráðharrin, Mette Frederiksen, í Fólkatinginum fyrr í morgun.

- Vit høvdu ikki nóg mikið av verndarútgerð, segði hon, nú seinasti dagur er í Fólkatinginum, áðrenn tað fer í summarfrí.

Danski forsætisráðharrin legði tó dent á, at avgerðin at steingja Danmark fyrst í mars var røtt.

Mette Frederiksen viðgongur eisini, at tað kanska var at gera í so nógv av, tá bann beinanvegin varð sett fyri at vitja øll eldri fólk á ellis- og røktarheimum.

Ein nýggj ávaringarskipan verður nú ment, so tilbúgvingin er betur fyri, tekur smittan aftur dik á seg í Danmark, segði danski forsætisráðharrin eisini í Fólkatinginum fyrr í morgun.