Tórður og Teitur eru í toppformi

Serliga málmenninir hjá tveimum av toppliðunum hava gjørt vart við seg fyrsta triðingin av landskappingini hjá monnum.

Tórður Thomsen hjá NSÍ og Teitur Matras Gestsson hjá HB hava klárað seg væl hetta kappingarárið.

Báðir hava havt avgerandi týdning fyri fleiri sigrar higartil í ár, og sambært heimasíðuni bolt.fo, sum hevur gjørt hagtøl upp fyri málverjar, skarar Tórður Thomsen framúr higartil í ár.

Tað hevur víst seg, at avrikini hjá málmonnum kunnu vera sveiggjandi, og Jens Martin Knudsen, fyrrverandi A-landsliðsmálmaður og hjálparvenjari hjá NSÍ, kemur við nøkrum boðum upp á orsøkir til sveiggini.