Hava funnið ólógligt fongsul í Hollandi

Í atsókn í gjár í hollendsku bygdini Wouwsse Plantage nærindis belgiska markinum, fann løgreglan sjey bingjur, sum vórðu innrættaðar sum fongsulsklivar, og tær eru ljóðdoyvdar.

Í fongsulsklivunum fann løgreglan millum annað ein tannlæknastól, hondjørn og amboð, millum annað saksar til at skera runnar og trø við og skalpellar, sum læknar nýta til skurðviðgerð.

Hollendska løgreglan legði eisini hald á vápn, løgreglubúnar, stolnar bilar og rúsevni í øðrum bygningum, skrivar Sky News.