Jan Tarnyy eisini farin til fiskiskap

Russiski trolarin, Jan Tarnyy, sum hevur ligið í Norðhavnini uttan á Kareliu og Casseopaia, er helst farin til fiskiskap norðan fyri Føroyar.

Jan Tarnyy fór úr Norðhavnini í nátt og bunkraði í Fuglafirði, áðrenn hann helt leiðina norðureftir.

Eingin av manningini á Jan Tarnyy er kannaður fyri koronu, hóast ávikavist 23 og 6 mans hava fingið staðfest smittuna umborð á Kareliu og Casseopaia.

Hóast fleiri tilboð um ráðgeving og kanningar, hevur skiparin á Jan Tarnyy ikki svarað føroysku myndugleikunum.

Karelia er farin til fiskiskap aftur, men Casseopaia liggur enn við bryggju í Norðhavnini.

Manningin verður kanska skift í Føroyum, áðrenn skipið fer til Afrika sum ætlað.