Drúgt at greina allar kanningarnar

Tað tekur tíð at greina allar tær 1.500 - 1.600 koronukanningarnar, sum vórðu gjørdar í Føroyum í gjár, siga heilsumyndugleikarnir.

Á sjúkrahúsunum vórðu gjørdar umleið 900 kanningar, og umleið 300 kanningar verða greinaðar í løtuni. Landslæknin skal síðani ringja til teirra, sum hava fingið staðfest koronusmittuna.

Heilsumyndugleikarnir heita tí á fólk um at vera serliga varin, til øll kanningarúrslit eru almannakunngjørd, skriva myndugleikarnir á corona.fo