Nú hava 99 fingið staðfest koronu

99 persónar í Føroyum eru í løtuni staðfestir at verða smittaðir av Covid-19.

Tað vísa seinastu tølini frá Heilsumálaráðnum, nú allar kanningarnar, sum vórðu gjørdar leygardagin og sunnudagin, eru liðugt greinaðar.

Sjey tilburðir vórðu staðfestir í kanningunum leygardagin, og sunnudagin vóru 10 tilburðir staðfestir aftrat.

Harumframt er longu ein tilburður staðfestur í kanningunum, sum vórðu gjørdar í gjár. 

Landslæknin hevur ikki yvirlit yvir, hvussu nógv vórðu kannað í gjár, men tey vóru í øllum førum meira enn 1.000, sigur Heilsumálaráðið.

Her er eitt yvirlit frá Heilsumálaráðnum yvir koronukanningar í hesum mánaðinum:

Yvirlit yvir koronukanningar