Tríggir tilburðir staðfestir aftrat

Tríggir tilburðir av koronusmittu eru staðfestir aftrat, og í løtuni eru 140 fólk smittað, verður upplýst á korona.fo.

2162 kanningar vórðu gjørdar í gjár. 1094 royndir eru greinaðar, og teir tríggir tilburðirnir, sum nú eru staðfestir, eru í kanningunum, sum vórðu gjørdar í gjár.

Enn eru 1068 kanningar frá í gjár eftir at greina.

Týsdagin vórðu 2454 kanningar gjørdar, og tá vórðu 14 tilburðir staðfestir. Mikudagin vóru umleið 2600 kanningar, og 12 tilburðir vórðu staðfestir í fyrradagin.