Eldraøkið: Nú sleppa avvarðandi aftur at vitja

Eldraøkið: Nú sleppa avvarðandi aftur at vitja
Eldraøkini heita samstundis á avvarðandi um at lata seg kanna við jøvnum millumbili
Nú sleppa avvarðandi aftur at vitja búfólk á ellis- og røktarheimum
 
17.08.2020 - 17:10

Nú sleppa avvarðandi aftur at vitja á ellis- og røktarheimum.

Leiðslurnar á eldraøkinum og Pál Weihe, yvirlækni, hava í dag havt fund um smittustøðuna. Hildið verður, at støðan er batnað so mikið, av avgjørt er at lata eldraøkið varisliga uppaftur, sigur Kommunufelagið.

Latið verður uppaftur mikudagin 19. august, og fyrstu vikuna verður loyvt tveimum avvarðandi hjá hvørjum búfólki at vitja. 

Heldur positiva gongdin fram, verður loyvt upp til seks fólkum at vitja hvørja búeind í næstu viku.

Eiga at lata seg kanna

Eldraøkini heita samstundis á avvarðandi um at lata seg kanna við jøvnum millumbili, eisini áðrenn tey vitja fyrstu ferð. Starvsfólkini á eldraøkinum verða kannað javnan, og gera avvarðandi tað eisini, minkar vandin fyri smittu á búeindunum munandi, sigur Kommunufelagið.

Aðrar tænastur á eldraøkinum fara eisini at virka aftur. Lokalu økini fara at kunna nærri um tað fyri hvørt økið sær, sigur Kommunufelagið.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470