247 mió. kr. í vinningsbýti í 10 ár

Landskassin hevur fingið 247 mió. kr. í vinningsbýti frá Føroya Tele síðani 2010.

Tað upplýsir Jørgen Niclasen, landsstýrismaður.

Henrik Old, løgtingsmaður, spurdi hvussu nógv landskassin hevur fingið í vinningsbýti frá Føroya Tele síðani 2010.

Besta ár var í fjør

Henrik Old heldur, at tað er gott at vita, nú tosað verður um at einskilja almenna partafelagið Føroya Tele.

Besta árið var í fjør. Tá vórðu bókaðar 35 milliónir krónur í landsroknskapinum fyri roknskaparárið 2018 hjá Føroya Tele.

Í ár fekk landskassin 34 mió. kr. í vinningsbýti frá Føroya Tele fyri 2019.