Eingin nýggjur tilburður á landi í tríggjar dagar

Í alt 410 persónar hava nú fingið staðfest Korona í Føroum. Fimm persónar eru í løtuni innlagdir á Sjúkrahúsverki Føroya í samband við coronasmittuna - tvey liggja á intensivu deild. 

Millum tær 529 kanningarnar, sum vórðu gjørdar á landi í gjár, varð eingin nýggjur tilburður staðfestur.

Sostatt er eingin nýggj smitta staðfest innanlands í tríggjar dagar.  

29 sjómenn umborð á russiska trolaranum Yantarnyy hava fingið staðfest Korona - tveir av teimum eru innlagdir á Landssjúkrahúsið.

337 eru staðfest frísk aftur, og í løtuni eru 73 persónar smittaðir.

Úrslitið í dag byggir á í alt 84.934 kanningar.