Frágreiðingin seinkað 14 dagar

Frágreiðingin hjá Búskaparráðnum, sum skuldi koma 1.september, kemur 15.september, sigur formaðurin í ráðnum, Heri á Rógvi.

Lógin um Búskaparráðið sigur, at ráðið ger árliga tvær konjunkturfrágreiðingar, sum verða almannakunngjørdar 1. mars og 1. september. 

Men korona hevur seinkað arbeiðinum hesaferð, sigur formaðurin.

Setan hjá hesum búskaparráðnum endar á nýggjárinum, so hetta verður seinasta konjunkturfrágreiðingin hjá hesum ráðnum.

Í løglistanum, sum kom frá landsstýrinum á ólavsøku, stendur, at lógin um Búskaparráð skal dagførast.