Aftur ein smittutilburður á flogvøllinum

Aftur í gjár varð ein tilburður av koronusmittu staðfestur á flogvøllinum í Vágum, upplýsir Landslæknin.

Talan er um eitt fólk, sum býr uttanlands. Viðkomandi er avbyrgdur, og Landslæknin er farin at spora smittuna.

Nú eru 101.208 koronukanningar gjørdar.

Í løtuni eru 34 fólk smittað av koronu. Av hesum eru 29 russiskir sjómenn, sum ikki hava verið í landi í Føroyum,

Tvey fólk liggja á sjúkrahúsi við koronu, men hvørgin er á intensivari deild.