Vilja ikki brúka vøllin

Bestu mansliðini hjá B36 ella HB vilja ikki spæla sínar heimadystir á nýggja graslíkinum á ovara vølli í Gundadali.

Tað skrivar tíðindaportalurin in.fo.

Í gjár vóru umboð fyri Tórshavnar kommunu, HB og B36 á fundi. Og har gjørdu venjararnir, Jákup á Borg í B36 og Jens Berthel Askou í HB, greitt, at vøllurin ikki kann brúkast, sum støðan er nú.

B36 og HB vilja av somu orsøk framhaldandi spæla sínar heimadystir á Tórsvølli.

Býráðið hevur játtað fimm milliónir krónur til Ovara vøll í ár. Og fýra milliónir eru settar av í langtíðarætlanini fyri næsta ár, ella níggju milliónir krónur tilsamans.

Hoyr samrøðu við Jákup Mørk, næstformann í B36, í útvarpstíðindunum.