Ferðafólkatalið í Kastrup minkaði 85 prosent

Floghavnin í Kastrup misti 85 prosent av ferðafólkunum í summar. Tað vísir ein uppgerð, sum er gjørd fyri juni, juli og august.

Teir tríggjar mánaðirnar fóru og komu 1,3 milliónir fólk í floghavnina, og tað eru 85 prosent færri enn somu mánaðir í fjør, vísa tøl, sum floghavnin hevur almannakunngjørt.

Sagt verður, at so friðarligt hevur ikki verið í Kastrup í mannaminni.