Lukasjenko og Putin hittast í dag

Í dag fer forsetin í Hvítarusslandi, Lukasjenko, á fund við Vladimir Putin, forseta í Russlandi, sum hevur lovað honum sín fulla stuðul.

Aftur í gjár vóru minst 100.000 fólk í gøtunum í hvítarussiska høvuðstaðnum, Minsk, at mótmæla Lukasjenko, og tey krevja hann frá.

Eftir valið 9. august, boðaði valnevndin frá, at Lukasjenko hevði vunnið, og at hann fekk 80 prosent av atkvøðunum.

Fólk í Hvítarusslandi siga seg einki hava ímóti russiska forsetanum, men tey siga seg vilja sleppa av við Lukasjenko, sum hevur rátt fyri borgum í Hvítarusslandi í 26 ár.

Lukasjeno neyvan feldur

Fimm ónavngivnar keldur, sum eru tætt við Putin, forseta, siga við Bloomberg, at russiski forsetin ikki roknar við, at tað fer at eydnast andstøðuni fer at fella Lukasjenko.

Andstøðan í Hvítarusslandi sigur seg hava prógv fyri, at andstøðupolitikarin, Svetlana Tikhanovskaja, vann valið, og eigur at gerast forseti.

Hon og stórur partur av andstøðuni eru flýdd úr landinum, samstundis sum andstøðingurin, Maria Kolesnikova, varð fongslað í farnu viku.