At vera inn yvir okkurt

Lurtari skrivar: KVF-fólk siga, at onkur hevur verið inn yvir okkurt í onkrum høpi, men finnast ikki orðingar, sum lýsa betur, hvat meinast við?

Orðingin, inn yvir, verður brúkt í breiðastu merking, og hon tekur yvir og fær aðrar at hvørva.

- Heldur enn at siga, hvat tað veruliga snýr seg um, so brúka fólk hesa orðing, og harvið verður málið fátækari, sigur Elin Henriksen og spyr samstundis, hví fólk ikki kunnu siga sum er: 

- Hví ikki bara siga, at viðkomandi hevur viðmerkt, greinað, eftirmett, rættað, rættlisið, broytt ella hvat tað nú skal vera.