Kambur seldur til Vestmannar

Partafelagið HKO í Vestmanna hevur keypt línuskipið Kamb, sum hevur havt heimstað á Strondum, skrivar Portalurin.

HKO eigur línuskipið Vesturhavið, sum er gamli Strandingur. 

Háldan Haldansen, reiðari á Vesturhavinum, váttar fyri Portalinum, at teir hava keypt Kamb, og at teir yvirtaka skipið um miðjan oktober. Kambur fer at broyta navn til Vesturhavið.

Háldan Haldansen sigur, at ætlanin er at selja Vesturhavið.

Vesturhavið er bygt í 1963, og Kambur er bygdur í 1987.

Søluprísurin er ikki upplýstur.