Eingin smittutilburður seinasta samdøgrið

Eingin koronutilburður er staðfestur seinasta samdøgrið, vísa nýggjastu tølini hjá landslæknanum.

Tó eru tvey fólk aftrat farin í sóttarhald síðani í gjár, og nú eru 59 í sóttarhaldi.

16 fólk eru smittað í løtuni, og 412 eru vorðin frísk aftur.

650 kanningar vóru gjørdar í gjár, so samlaða talið av kanningum er nú oman fyri 111.000.

Eingin er innlagdur á koronudeildini á Landssjúkrahúsinum.