11 smittutilburðir aftrat

11 smittutilburðir vórðu staðfestir aftrat í gjár, og í løtuni eru 34 fólk smittað av koronu. 

Tað vísa nýggjastu tølini hjá Landslæknanum. Tilsamans eru 119.432 kanningar gjørdar.

Øll eru smittað í Føroyum, og flestu tilburðirnir hava samband við aðrar staðfestar tilburðir.

Víðfevnd smittusporing

Tey smittaðu eru avbyrgd, og Landslæknin er farin undir smittusporingina, sum er sera víðfevnd, verður sagt.

Í gjár vórðu 3.581 kanningar gjørdar.

Tilsamans hava 448 fólk fingið staðfest smittuna í Føroyum. Tilsamans 414 eru staðfest frísk aftur, og sostatt eru 34 fólk smittað í løtuni.

Eingin er innlagdur við koronu í løtuni.