Fýra tilburðir aftrat

Fýra smittutilburðir av koronu vórðu staðfestir í gjár. Tað vísa nýggjastu tølini hjá Landslæknanum. 

Øll fýra fólkini eru smittað í Føroyum, og eru partur av somu smittuketu. Tey smittaðu eru avbyrgd, og Landslæknin er farin undir smittusporingina.

Í gjár vórðu 1.884 kanningar gjørdar, og tilsamans eru 124.248 kanningar gjørdar. 

Í løtuni eru 39 fólk smittað.

Eingin er innlagdur við koronu.