Semingsroyndin heldur fram

Semingsroyndin hjá felagnum føroyskum Sjúkrarøktarfrøðingum og Lønardeildini hjá Fíggjarmálaráðnum helt fram klokkan níggju í morgun.

Semingsroyndin hjá Semingsstovninum byrjaði í gjár klokkan tíggju, og vardi til klokkan ellivu í gjárkvøldið.

Semingsstovnurin varð boðsendur fyri góðari viku síðani, tí Fíggjarmálaráðið og felagið hjá sjúkrarøktarfrøðingunum kunnu ikki semjast um nýggjan sáttmála.

Terje Sigurðsson, semingsmaður, sigur, at enn er ov tíðliga at siga nakað um semingsroyndina, men fríggjadagin upplýsti hann, at langt er millum partarnar.