Fýra smittutilburðir aftrat

Fýra smittutilburðir vórðu staðfestir í gjár. 

Tey fýra fólkini eru smittað í Føroyum, og øll eru partur av somu smittuketu, sum Landslæknin veit um. Tey smittaðu eru avbyrgd, og Landslæknin er farin undir smittusporingina.

Í gjár vórðu 657 kanningar gjørdar, og allar kanningarnar eru liðugt greinaðar. Nú eru tilsamans 129.942 kanningar gjørdar.

467 fólk hava fingið staðfest smittuna í Føroyum, og 429 eru frísk aftur. Sostatt eru 38 fólk smittað í løtuni.

Eingin er innlagdur við koronu.