Grønland herðir koronuátøk

Grønlendsku sjálvstýrismyndugleikarnir herða nú krøvini fyri ferðandi, ið koma til Grønlands. 

Orsøkin er, at so nógvir smittutilburðir eru staðfestir í Danmark seinastu tíðina.

Talan er um somu reglur, sum vóru settar í verk fyrr í ár. 

Tað merkir, at øll ferðandi, sum koma til Grønlands, skulu í sóttarhald í 14 dagar, ella lata seg kanna aftur fimta dagin eftir komu. 

Tað verður framvegis eitt krav at kunnu skjalprógva negativt kanningarúrslit, tá komið verður til Grønlands. Og kanningin skal verða gjørd í mesta lagi fimm dagar fyri fráferð.