Semingsroyndin dregur út

Semingsroyndin millum Felagið føroyskir sjúkrarøktarfrøðingar og lønardeildina hjá fíggjarmálaráðnum halda fram, afraná at partarnir hava samráðst við Semingsstovnin síðan mánadagin. 

Støðan er ikki búgvin til semingsuppskot enn, sigur Terje Sigurðsson, semingsmaður, sum fyrr í dag upplýsti, at talan er um truplar samráðingar.

Semingsstovnurin varð boðsendur fríggjakvøldið í næstsíðstu viku, tí Fíggjarmálaráðið og felagið hjá sjúkrarøktarfrøðingunum ikki kunnu semjast um nýggjan sáttmála.