Korona hevur ikki ávirkað mvg-inntøkurnar

Ymiskt er, hvussu korona hevur ávirkað meirvirðisgjaldið og tollin hetta hálva árið, hon hevur verið her.

Í september er meirvirðisgjaldið, tollur og punktgjøld 215 mió. kr.

Í september í fjør var talið góðar 180 mió. kr.

Talið er størri í mars í ár enn í mars í fjør, tað er minni í apríl og mai, men størri aftur í juni, minni í juli og størri í august og september.

Samanumtikið er talið størri í ár fyri mánaðirnar mars-september. Talan er um 37 mió. kr.