Ferðafólk skulu altíð sleppa við Smyrli

Ein bíleggingarskipan og prísmunur skulu gera, at farmaflutningurin hjá Smyrli ikki ávirkar ferðafólkaflutningin.

Tað kom burtur úr fundinum, sum Jørgen Niclasen, landsstýrismaður í samferðslumálum, hevði við Strandafarskip landsins mikudagin.

Tey, sum ætla at fáa farm við Smyrli, skulu boða frá gjøgnum eina bíleggingarskipan, so Strandferðslan altíð veit, hvussu nógvur farmurin er, sum skal við.

Og tey, sum hava farm við teir túrar, sum nógv ferðafólk eru við, skulu gjalda meira fyri hann. 

Sami prísur sum nú verður fyri farmin, sum fer við, tá ferðafólkini ikki eru so nógv.

Og farmur skal ongantíð gera, at ferðafólk ikki sleppa við.