Ógreitt hvørji undantøk verða givin

Landssjúkrahúsið og Klaksvíkar sjúkrahús bíða enn eftir svari frá Felagnum Føroyskir Sjúkrarøktarfrøðingar, um tey fáa tey undantaksloyvi, tey hava biðið um í sambandi við verkfallið, sum er lýst at byrja í morginárini klokkan sjey.

Á Landssjúkrahúsinum er verkfall lýst fyri sjúkrarøktarfrøðingar á G4 og operatiónssjúkrarøktarfrøðingar á skurðgongini. 

Margit Stórá, varastjóri Sjúkrahúsverki Føroya, sigur við útvarpið, at tey hava biðið um undantøk. Tey hava fingið nøkur undantøk, men hava tó ikki fingið svar upp á alt.