Krevur frídøming í Landsrættinum

Dómurin, sum ein 46 ára maður fekk í Føroya rætti fyri grovt svik og skjalafalsan, er skotin inn fyri Landsrættin.

Bjørn á Heygum, sum er verji hjá manninum, hevur appellerað. Hann sigur, at kravið er frídøming, ella, í øðrum lagi, linasta revsing.

Maðurin fekk tvey ára og níggju mánaða treytaleysa fongsulsrevsing í Føroya rætti.

Ákæruvaldið kravdi trý ára og seks mánaða treytaleysa fongsulsrevsing.