Taka Turkihúsið niður

Í næstum verður Turkihúsið í Vestmanna tikið niður.

Tað skrivar kommunan á heimasíðuni.

Vestmanna kommuna hevur í tveimum førum boðið út Kolastykkið og økið, har Turkihúsið stendur, til íbúðabygging, gistingarhús ella handil.

Men eingin avtala er fráboðað enn.

Turkihúsið verður í næstum tikið niður, og tey, sum eiga lutir í Turkihúsinum, verða biðin um at beina hesar burtur, áðrenn arbeiðið byrjar.

Annars verða lutirnir beindir burtur saman við húsinum. Húsið stendur opið, so tað slepst inn eftir møguligum lutum, sigur Vestmanna kommuna.