Svartkjaftakvotan minkar 20 prosent

Føroyska svartkjaftakvotan verður 20 prosent minni næsta ár, enn hon er í ár.

Hon er 412.700 tons í ár, og verður góð 330.000 tons næsta ár.

Strandarlondini samráðast í hesari vikuni um uppsjóvarfiskin. 

Svartkjafturin er liðugur, og nú er norðhavssildin á skránni. Síðani kemur makrelurin.

Londini eru samd um at gera, sum ICES sigur. Og tilmælið hjá ICES fyri 2021 er sløk 930.000 tons, 20 prosent minni enn í ár.