- Tíðindi, mentan og ítróttur
Fýra tilburðir í gjár
Fýra tilburðir í gjár
16 fólk eru smittað í løtuni
![](https://kvf.fo/sites/default/files/styles/grein-ovasta-mynd/public/glasir_korona_kanningar-30.jpg?itok=oyNEwC8k)
Í gjár vórðu 709 koronukanningar gjørdar
Mynd: Bjarni Árting Rubeksen
27.10.2020 - 15:48
Fýra smittutilburðir av koronu vórðu staðfestir í gjár, vísa nýggjastu tølini hjá landslæknanum.
Í øllum førum er talan um fólk, ið komu loftvegis til Føroya úr øðrum londum. Tey smittaðu eru avbyrgd, og Landslæknin er farin undir at spora smittuna.
Í gjár vórðu 709 kanningar gjørdar, og allar kanningarnar eru liðugt greinaðar. Í alt eru 151.668 kanningar gjørdar.
494 fólk hava fingið staðfest smittuna í Føroyum. 478 fólk eru frísk aftur, og 16 eru smittað í løtuni. Eingin er innlagdur á sjúkrahús við koronu.
Nýggjastu sendingar í ÚV
Nýggjastu sendingar í SV