Korona: Skulu velja við brævatkvøðu

Veljarar, sum vegna COVID-19 eru avbyrgdir, í sóttarhaldi ella heimauppihaldi, skulu ikki møta á valstaðnum sjálvan valdagin fyri at greiða atkvøðu til kommunuvalið.

Hesir veljarar kunnu í staðin velja við brævatkvøðu, sigur Umhvørvis- og vinnumálaráðið.

Atkvøðugreiðsla við brævi verður frá týsdegnum 3. november til mánadagin 9. november. Atkvøðuseðilin skal vera komin fram til valstaðið, áðrenn atkvøðugreiðslan byrjar tann 10. november.

Veljarar, sum eru avbyrgdir, í sóttarhaldi ella heimauppihaldi, skulu seta seg í samband við avvarðandi kommunu ella valnevnd, soleiðis at valnevndin kann fyrireika, hvussu atkvøðugreiðslan við brævi skal fara fram.

Yvirlit yvir kommunurnar sæst her