Vilja hava betri stundir at viðgera yvirtøkumál

Vilja hava betri stundir at viðgera yvirtøkumál
Uttanlandsnevndin hevur fingið longda freist til 20. november
Bill Justinussen, nevndarformaður, og hini í Uttanlandsnevndini hava fingið longda freist at viðgera uppskot um yvirtøkur, sum Tjóðveldi hevur lagt fram
 
04.11.2020 - 08:56

Uttanlandsnevndin gevur sær góðar stundir at viðgera uppskotini hjá Tjóðveldi um yvirtøkur.

Nú hevur nevndin biðið um og fingið longda freist til at skriva álit. Freistin er longd til 20.november.

Tjóðveldi vil yvirtaka politiið og landslæknan,  landslæknan longu á ólavsøku næsta ár, og politiið 1.januar í 2022.

Tjóðveldi mælir til at broyta lógina um ræði á málum og málsøkjum, so løgregla, ákæruvald og brotsmálaumsorgan og landslæknaembætið, eftirlit við heilsustarvsfólkum og stovnum á heilsuøkinum, sjúkufyribyrging, sinnissjúkraviðurskifti, líkskoðan, vevnaðarflutningur, euforiserandi evni, sjúklingarættindi og eftirgjørdur gitnaður koma undir føroyskt ræði.

120 mió. kr.

Tað verður mett at kosta 120 mió. kr. í 2022 at yvirtaka løgregluna.

Og tað verður mett at kosta 4,9 mió. kr. at yvirtaka millum annað landslæknan, sigur Tjóðveldi.

Uttanlandsnevndin hevur havt uppskotini ávikavist frá 1.september og 3.september.

Nakrar innkallingar eru eftir, og tí hevur nevndin biðið um longda freist.

  
 

Er kopiera
Nýggjastu sendingar í ÚV
Hósdag 20. februar
Breddin: Friðarsamráðingar um Ukraina
188053
Hósdag 20. februar
Mono - Føroyskar perlur (2:4)
188051
Hósdag 20. februar
Morgunlestur hósdagur 20.februar 2025
186673
Mikudag 19. februar
Skratsj 19. februar 2025
188017
Mikudag 19. februar
RagnarRokk. Chris Harms um 1980
188003
Nýggjastu sendingar í SV
Mikudag 19. februar
Dagur og vika - teknmálstulkað
187990
Týsdag 18. februar
Veðrið
187962
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825