Fara nú at kanna myrkatalið

Almennu smittutølini siga, at 495 fólk hava verið smittað av koronu higartil, men illgruni er um, at feliri hava verið smittað, uttan at vita tað.

Nú fara Deildin fyri Arbeiðs- og almannaheilsu saman við øðrum at kanna, hvat sanna talið er - myrkatalið, sum tað verður nevnt.

Byrjað verður í Suðuroynni og Klaksvík, sigur Pál Weihe, sum saman við Mariu Skaalum Petersen, granskara, hevur tikið stig til kanningina.

Kanningin er samstarv millum Deildina fyri Arbeiðs- og almannaheilsu, Landssjúkrahúsið, Heilsufrøðiligu Starvsstovuna, Fróðskaparsetur Føroya og Depilin fyri Heilsu- og almannagransking.