Landið skal seta krøv um royk- og ljóðdálking

Runavíkar kommuna ætlar at leggja trýst á landsmyndugleikarnar fyri at fáa teir at áseta krøv um royk- og ljóðdálking og síggja til, at tey krøvini verða hildin.

Tað stendur í uppskotinum um umhvørvispolitikkin hjá Runavíkar kommunu, sum nú er til hoyringar.

Í uppskotinum er eitt brot um óljóð og útlát.

Har stendur, at Runavíkar kommuna miðar eftir at avmarka óljóðsstigið og útlátið frá virkseminum á havnarløgunum.

Roynt verður at finna eina loysn, har tað ber til at seta krøv til óljóðsstigið frá havnarvirkseminum fyri at stýra óljóðsstiginum gjøgnum dagin.

Miðað verður eisini eftir, at Runavíkar havn kann veita landstreym til tey størru skipini.