Fer at ala laks á landi í Kina

Ragnar Joensen, sum hevur drúgvar royndir í føroysku og norsku alivinnuni, fer nú at ala laks á landi í Kina.

- Fíggingin er greið, alistøðin verður bygd, og um trý ár vænta vit at selja fyrsta laksin á kinesiska marknaðinum, sigur Ragnar Joensen.

Í morgun boðaði Nordic Aqua Partners frá, at fíggingin, 587 milliónir norskar - svarandi til góðar 400 milliónir danskar krónur - er fingin til høldar.