John Rajani tikið við sum sendimaður

John Rajani tikið við sum sendimaður
Sendistovan í Tel Aviv letur væntandi upp í januar
John Rajani fekk blómutyssi frá Jenisi av Rana, landsstýrismanni, tá hann formliga tók við starvinum sum sendimaður í Ísrael
 
01.12.2020 - 11:11

Í dag, 1. desember, tekur John Rajani við starvinum sum sendimaður Føroya í Ísrael.

Sendimaðurin fer í vikuni til Ísraels at gera fyrireikingar og kanningar í sambandi við, at sendistovan letur upp. Sendistova Føroya í Tel Aviv letur eftir ætlan upp fyrst í januar, sigur Uttanríkis- og mentamálaráðið.

Arbeitt verður við at fyrireika eina føroyska vinnuferð til Ísraels. Vinnuferðin verður so skjótt umstøðurnar viðvíkjandi COVID-19 loyva tí.

24 umsóknir

24 søktu um at gerast føroyskt sendifólk í Ísrael, 20 menn og fýra kvinnur. 

Arbeiðsøkið umfatar politiskt, vinnuligt og mentanarligt samstarv.

Í fíggjarlógini fyri 2020 eru 1,6 milliónir krónur til sendistovu í Ísrael.  Í uppskotinum um fíggjarlóg fyri næsta ár eru fýra milliónir krónur.
 

Er kopiera
Nýggjastu sendingar í ÚV
Nýggjastu sendingar í SV
Mikudag 13. august
195511 - teknmálstulkað
195526
Týsdag 12. august
Veðrið
195508
Fríggjadag 8. august
Veðrið - teknmálstulkað
195406
Fríggjadag 8. august
Dagur og vika - teknmálstulkað
195405
Fríggjadag 8. august
Veðrið
195397