Norröna fer í dokk í Danmark

17. desember fer Norröna seinastu ferð úr Føroyum, áðrenn skipið fer í dokk á Fayard skipasmiðjuni í Munkebo í Danmark.

Hagar fer Norröna eftir at hon hevur verið í Hirtshals 19. desember. Fá ferðafólk eru nú og eisini á jólum. 

Men farmurin er framvegis nógvur, og Smyril Line hevur leigað eitt italskt ro-ro farmaskip, meðan Norröna er í dokk.  

Norröna skal fara aftur úr Hirtshals til Føroya 6. mars næsta ár.

Norröna skal hava 50 dupultkømur afturat, og á tíggjunda dekki verður gjørd ein nýggj kafé.