Stórur áhugi fyri at leita eftir olju í Føroyum

Ongar politiskar ætlanir eru í Føroyum um at steðga leitingini eftir olju. Tað sigur landsstýrismaðurin í vinnumálum, Helgi Abrahamsen.

Danir fara ikki at geva fleiri loyvi til at leita eftir nýggjum olju- og gasskeldum í Norðsjónum. Hetta samtykti Fólkatingið við breiðum meiriluta fyrr í vikuni.

Men í Føroyum er søgan ein onnur. Í løtuni er einki loyvi boðið út, men stórur áhugi er fyri at leita eftir olju í føroyskum øki, sigur landsstýrismaðurin í umhvørvis- og vinnumálum.

Hoyr samrøðuna við Helga Abrahamsen við at trýsta á pílin omanfyri.