Farsóttarnevndin komin við nýggjum tilmælum

Farsóttarnevndin hevur havt fund í dag, og hevur latið landsstýrinum nýggj tilmæli um koronustøðuna.

Tað er serliga við landamørkini, at avbjóðingin er í løtuni. Bárður á Steig Nielsen, løgmaður, sigur, at landsstýrið fer at viðgera tilmælini á fundi í morgin.

Síðani verður støða tikin til, um koronutiltøkini skulu broytast. Løgmaður væntar, at meiri verður kunnað um málið seinni í vikuni.