Bara eitt skip varð skrásett í FAS í fjør

Farmaskipið Akranes hjá Smyril Line var einasta skipið, sum varð skrásett í Føroysku Altjóða Skipaskrásetingini í fjør. 

Tað staðfestir Sjóvinnustýrið í ársfrágreiðingini fyri 2019. 

Og talið av skipum í FAS-skipanini minkaði í 2019 úr 87 niður í 83 skip.

Ein av orsøkunum er, at svenska skipaskrásetingin hevur tikið burtur forðingarnar, sum gjørdu, at svensk reiðarí valdu FAS-skipanina framum.