Útflutningurin minkaður 850 mió. kr. í ár

Útflutningurin minkaði meira enn innflutningurin frá 1.januar til 1.november.

Útflutningurin er minkaður 850 mió. kr., hann er 11 prosent minni enn í fjør.

Innflutningurin er minkaður 145 mió. kr., hann er bara tvey prosent minni enn í fjør, men tá eru skip og flogfør ikki tald við.

Skip og flogfør eru minkað 26 prosent. 
 
Innflutningur til húsarhaldsnýtslu er vaksin átta prosent.

Lági oljuprísurin ger, at vit hava innflutt brennievni fyri 300 mió. kr. minni í ár.

Laksaútflutningurin er minkaður hálva milliard og toskaútflutningurin 250 mió.kr.