1050 ársverk eru í sjúkrahúsverkinum

Í fjør vóru 1.050 ársverk í sjúkrahúsunum í Føroyum, 806 a Landssjúkrahúsinum, 127 á Klaksvíkar sjúkrahúsi og 118 á Suðuroyar sjúkrahúsi, skrivar Hagstovan.

Hetta eru 78 fleiri enn í 2015. Lutfalsligi vøksturin er størstur í Suðuroynni, 13 prosent.

Nógv tey flestu, sum arbeiða í sjúkrahúsunum, eru sjúkrarøktarfrøðingar, og har eru radiografar taldir við.

Hesin bólkurin fevnir um 38 prosent av teimum, sum arbeiða í sjúkrahúsunum.

Fólk, sum ikki eru heilsufaklig, eru 36 prosent.