Arbeiðsloysið er minkað

Arbeiðsloysið í oktober var 1,3 prosent, og tað er nakað minni enn tað hevur verið seinastu mánaðirnar, vísa tøl hjá Hagstovuni.

Síðani koronufarsóttin rakti í mars, hevur arbeiðsloysið verið umleið 1,9 prosent.

Í oktober í fjør var arbeiðsloysið 0,9 prosent.

Í oktober í ár vóru 393 fólk fulltíðararbeiðsleys. Arbeiðsloysið var størst í Vágum og minst í Norðoyggjum.