- Tíðindi, mentan og ítróttur
Velja nýggjan formansskap í Kommunufelagnum í dag
![](https://kvf.fo/sites/default/files/styles/grein-ovasta-mynd/public/vlcsnap-2020-03-11-08h53m22s129.png?itok=izgKJc3q)
Í dag fær Kommunufelagið nýggjan formansskap.
Stýrisfundur verður í dag. 13 borgarstjórar eru í stýrinum.
Bara tríggir halda fram, Torbjørn Jacobsen í Runavík, Kristin Michelsen á Tvøroyri og Pauli Trond Petersen í Vestmanna.
Tá stýrið er valt, skipar tað seg við formanni og næstformanni.
Dennis kann ikki halda fram
Dennis Holm í Vági er formaður nú, men hann ikki halda fram, tí hann er ikki borgarstjóri longur.
Heðin Zachariasen í Sunda kommunu er næstformaður. Men hann stillaði ikki upp á kommunuvalinum í fjør.
Formansskapurin verður valdur fyri tvey ár.
Fýra teirra, sum fara í stýrið hjá Kommunufelagnum, fara eisini eisini í stýrið hjá Kommunala arbeiðsgevarafelagnum.
Har er Annika Olsen í Havn forkvinna. Men hon heldur ikki fram, tí hon er ikki borgarstjóri longur.