Egnarar fáa eisini minstaforvinning

Nú kunnu egnarar hjá línuskipum eisini fáa minstaforvinning.

Kunngerðin um inntøkutrygd er broytt.

Nú stendur í kunngerðini, at fiskifar, sum rør út við línu, kann tilmelda heimafólk, sum eru knýtt at fiskifarinum, til minstaforvinning.

Uppgávan hjá heimafólkinum fevnir um at útvega agn, skera agn, egna, rekja línu um og at koyra línu og agn umborð til nýggjan túr, stendur í kunngerðini.

Stýrið í Trygdargrunninum tekur undir við, at kunngerðin er broytt.