1712 fólk koppsett fyri koronu

Í gjár vórðu 408 fólk koppsett fyri koronu, og nú eru tilsamans 1712 fólk koppsetti, skrivar korona.fo

Nýggj sending við koppingarevni kom til Føroya týskvøldið, og í gjár varð koppsetingin tikin uppaftur.

Millum tey koppsettu vóru 25 búfólk á Suðuroyar Ellis- og røktarheimi.

Umleið 3,2 prosent av øllum føroyingum eru nú koppsettir, og málið er, at hava koppsett sløk fimm prosent, tá vikan er av.