Sera lítil prísvøkstur hjá húsarhaldunum í fjør

Prisirnir vuksu ikki nógv í fjør. Brúkaraprísirnir vuksu í miðal 0,3 prosent sammett við 2019.

Hetta eru prísir á vørum og tænastum, sum húsarhaldini brúka. Prísirnir vuksu minni í fjør enn undanfarnu árini, tað er frá 2017 til 2019.

Brennievni 16 prosent bíligari

Men ymiskt er, hvussu stórur prísvøksturin er. Húsarhaldini brúka ein fimting av pengunum til mat og drekka. Og her blivu vørurnar í miðal 1,7 prosent dýrari í fjør.

Men býlisútreiðslur blivu 4,2 prosent bíligari í miðal, serliga tí oljan bleiv 20 prosent bíligari. 

Tað kom eisini væl við teimum nógvu, sum hava bil. Bensin og diesel blivu 16 prosent bíligari í fjør. Men prísurin á akførum fór upp, 3,2 prosent.